مقابلتي على الواتباد + أسئلتكم

١-كيف إكتشفت موهبتك الكتابية وكيف بدأت أول

خطواتك في الكتابة؟

- اولاً بتشكرك على إختياري لعمل هالمقابلة، وبتشرف فيكي. لجاوب على سؤالك. أنا بنظري الكتابة مش موهبة مثل الرسم و الغناء وغيرهم. الكتابة الكل  بيقدر عليها، بس القارئ الجيد والذكي هو إلي رح يكتب بذكاء.

٢-ماهو الألهام الذي دفعك لكتابة أول أعمالك؟

-أول أعمالي كانت عبارة عن قصص كتبتها بورق لما كان عمري 14 او 15 تقريباً. يعني بدأت أكتب من عمر صغير، بتذكر الإلهام الوحيد هو كان خيالي وأنا إنسانة خيالية كثير والقصص كانت بتغذي خيالي، ومن هون كان الإلهام. بس إذا بتقصدي اول أعمالي بالواتباد، كانت رواية آدم، أجاني الإلهام لما شفت فيلم للممثل ثيو جيمس إسم الفيلم Divergent حبيت كثير شخصية فور وبنيت عليها شخصية لآدم وصراعاته للانتقام. 

٣-هل تمر عليك لحظات تكره فيها الكتابة أم

إنها خلاصك من الأوقات الصعبة؟

- نعم، الكتابة هي مهرب للأوقات الصعبة لأنه أنا كتبت رواية آدم بأيام الحرب بسوريا وكانت مهرب بنسبة إلي.. بس ما بعمري كرهت الكتابة، تجي أوقات على حسب المزاج.. يعني الكتابة يسيطر عليها المزاج برأيي.

. ٤-في بعض الأحيان، يستسلم البعض من الكتابة قائلين إنه لأمر صعب ولضيق الوقت، نصيحتك؟

- نصيحتي هي مستحيل تفرضي حالك على الكتابة، لازم الكتابة تفرض حالها على عقلك منشان تكوني قادرة لتبدعي. ولتفرض حالها على عقلك لازم تكوني شغوفة بالكتابة، وبس تكوني شغوفة بالكتابة مارح تستسلمي وتقولي صعبة. 

. ٥-عمل مستوحى من حياتك؟

-آمممم. جيمس و جورجينا، برغم أنه فكرة الرواية مأخوذة من رواية أخرى، أنا بعتبرها fan-fiction إذا بدك. اشتغلت على هالرواية بوقت كنت فاسخة خطبتي، وكانت جورجينا بتشبهني كثير بأنكسارها، وكنت أكتب وكأني وصل رساله لحالي أن كل ما بيتقفل باب بوجهنا بينفتح باب آخر مره.

٦-{الكتابة مخرج الأزمات}كيف تقييمين هذه العبارة؟ما المقصود من وجهة نظرك؟

- ممكن تكون مهرب للازمات، بس مش مخرج. لأن المخرج يعني الحل، والكتابة مش ممكن تحل أزماتنا.

٧-خارجا عن محور الأسئلة، كتاب ورقي تنصحين

بقرائته؟

- للأسف صار لي سنين مش قاريه كتب عربية. بس آخر كتاب قرأت مقتطفات منو هو "حليب أسود" لكاتبة تركية إسمها أليف.

٨-هل تفكرين في جعل أحد أعمالك 'كتاب ورقي ' لبدء رحلة جديدة؟

- من زمان ولهلأ. مؤمنة ومتأكدة أن هالشئ رح يصير عاجلاً أو آجلاً.

٩-كلمة أخيرة تقدميها لقرائك؟

- شكراً قد السماء لثقتكم بإلي بكتبو. وظلوا بالقرب.

.. في النهاية، شاكرة لك مرة أخرى ،وكان لي الشرف في إستضافتك..

أنا بتشكرك كثير، وسعيدة بالإجابة على هالأسئلة الرائعة.

ـــــــــــــــــــــــــــــــــــــ

*أسئلتكم*

كم عمرك؟ وهل مازالت تدرسين وفي اي تخصص؟

  - عمري 26 أيه لسا بدرس لهلأ لأن توقفت دراستي الجامعية بسوريا ورجعت هون من البداية. تخصصي أدب إنجليزي و مادتي المفضلة الترجمة.

من وين انتي وشون شكلك أخذني فضول وعندك انستا؟

- أنا من سوريا أدلب، شكلي عادي ههههه
طولي 158 وزني 57...شعري بني عيوني سود، وبس.
كان عندي انستا زمان بس حذفته، مابحب سوشل ميديا غير تويتر و تمبلر بس.

كاتبك المفضل و شو الحافز اللي خلاك تكتبي و منين جيبي الالهام للكتابة!؟

أنا بعشق الكاتب الفرنسي غيوم ميسو، بعشق كتاباته وقصصة وكل شيء. تقريباً قاريه كل كتاباته. هو بيكتب بالفرنسي وعنا هون متوفرة باللغة الإنجليزية، بس كمان شفت اونلاين الكتب الخاصة فيه متوفرة باللغة العربية، وبشكل ممتاز. بنصحكم تقرؤه.

متى حتترجمي الجزء الثاني من ساراي اللي اسمو احياء ايزابيل and you best writer love to

 - أي كتاب إلو جزء تاني أنا ما بقرأه. ما بحب الجزء الثاني من أي كتاب، بكتفي فقط بقراءة الجزء الأول وخلص، مابكون مهتمة أعرف شو بيحصل بعدين.. بكون اكتفيت.. أنا هيك، فكيف بدي ترجم كتاب ما قريتو كيف؟! صعبه.
وشكراً يا عمري

للأسف مارح كمل 💔

افضل رواية قرأتيها؟ ما عدا جحيم غابرييل و رواياتك المترجمة لانني قرأتها من قبل ❤

ـ كتير روايات مفضلة عندي. رح شارك بعض الاقتراحات بشكل مفصل بس بحب رواية اسمها

Until it fades رائعة بكل ماتحمله المقايسس، بس مو متوفرة بالعربي مع الأسف.

افضل فيلم شاهدته؟

ـ بحب فيلم The great Gatsby كثير كثير كثيييير

 لماذا لم تكملي بعد رواية ادم؟ 

ـ آخ يا قلبي. السؤال هاد بصادفه يومياً، والأجابة هي أنني فقدت حبي لرواية آدم, وماعدت شغوفة بالشخصيات خصوصاً سام، صرت بكرهها.

ما هي مخططاتك بعد الاسكا ؟ اكمال الروايات السابقة ام اضافة رواية جديدة ... 

اتمنى من كل قلبي ان تكملي رواية ادم و الجزء 

الثاني من ساراي ❤

 ـ رح ضيف رواية جديدة ومارح أنشرها بالواتباد، رح أنشرها هون ع مدونتي

آدم رح تكتمل بإذن الله ، بس ساري ما رح يكون في جزء ثاني للاسف

افضل كاتبة عربية بالنسبة لك على الواتباد ؟ 

ـ كتير، موجودين بقائمة متابعتي.

رواية ادم من اجمل الروايات يللي قريتها ما رح تكمليها؟؟

ـ بلا رح تكمل.